«Çĕр вăрăм, халех ан кĕрсем...»

Лидия Сарине | Сăвă | 526


«Çĕр вăрăм, халех ан кĕрсем,

Чĕрем таппине итлесем?!» —

Савни йăланать ав çаплах,

Анне ăнланмасть-çке пачах.

 

Ĕне сумалла ир тăрсан,

Кĕтӳ ямалла кăштахран.

Мĕн-ма çав автан авăтать,

Мĕнпур кил-йыша вăратать!

 

Сар уйăх çухалнă таçта,

Савни пăшăлтатрĕ: «Тăхта!»

Кăвар тутипе сĕртĕнет,

Тĕнче çĕнĕрен чĕрĕлет...

 

Йытти те хамлатрĕ кĕçех,

Кайма хатĕрленнĕн ĕçе.

Вĕреççĕ, кĕрлеççĕ ирех

Тĕнче пĕтсе килнĕ пекех.

 

Халь-халь хупăнаççĕ куçсем,

Епле ăнланмаççĕ кусем?

Мĕнле çăмăл мар уйрăлма,

Ытла та аван пурăнма!

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: