«Çĕр-тĕнче...»

Юрий Сан | Сăвă | 577


Çĕр-тĕнче. Пĕр тĕнче. Кĕр! тĕнче.

Тата мĕн пур санран капмарри?

Пур! — чĕре ялкăшса вут сапни;

Пур! — чунри сăвă, чи тĕпĕнче!

 

...Çук — хыпмарĕ чĕре телейпе.

Çук — тухмарĕ чунри шăранса.

Тек çӳретĕп юри... шавласа.

Тĕк тăрса шутламасăр пĕрре.

 

Чăмăр-çĕр-çаврашка çаврăнать.

Пăлтăр-пăлтăр кумать ман кун-çул.

Тĕл пулмарĕ хисеп, кану, мул.

Терт-инкекĕ — мăйран çакăнать.

 

Ах, сукмакăм — лапра та-..пуш хир,

Ăçта çитĕн каплах аташсан?

Пачах çĕтĕн, сыв пул, — тесе — Сан;

Çĕре кĕрĕç ак шăмă та тир.

 

Тек çӳретĕп Çĕре таптаса;

Кĕсье çĕтĕк — çил çеç... алхасать.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: