«Кунçул пĕр вĕçсĕр ĕмĕт пек çăмха...»

Кунçул пĕр вĕçсĕр ĕмĕт пек çăмха,

Анчах ăна сӳтмешкĕн эп пĕлмерĕм.

Сиктерчĕç ыттисем юланутпа,

Эпĕ вара çуран кăна çӳрерĕм.

Утан çулта телей çăмхи тупсан

Пĕртен пĕр тусăма парас тесеттĕм.

Телейĕме вăл тиркемен пулсан

Мăшăр утпа ĕрехтерсе çӳреттĕм.

...Хама савман савни патне кайса

Чĕре çине кача тăвар çеç сапрăм,

Çăмха пек утсемпе çăрхаласа

Яш ĕмĕрти ĕмĕтсене ăсатрăм.

Çĕнĕ комментари хуш