«Кама савать пуласлăх, ман пĕлесчĕ...»

Юхма Мишши | Сăвă | 2007 | 426


Кама савать пуласлăх, ман пĕлесчĕ,

Унпа пуласчĕ туслă яланах:

Кашни ун сăмахне тӳрех илтесчĕ,

Утасчĕ вăл кăтартнă çулпалах.

 

Кашни этем çакна ĕмĕтленет пуль,

Анчах пуласлăх кашнине савмасть.

Кама, мĕн-ма савать пĕлме пулмасть пуль,

Пуласлăх никама та ним те каламасть.

 

Вăл ĕçлекен çынна савать, пĕлетĕп,

Ыр ĕç тăвакана вăл юратать.

Эппин, туссем, сире ĕçе чĕнетĕп,

Унта пире пуласлăх ытамлать.

 

23.02.07.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: