«Кăвар вутпа вылять палан сапакĕ...»

Виталий Станьял | Сăвă | 1996 | 438


Кăвар вутпа вылять палан сапакĕ,

Пилеш тĕмми донче те вут-кăвар.

Çунать-çунать чунра инкек амакĕ —

Чĕре çунать. Кĕрхи çанталăк мар.

 

Синкер палли пек тĕлкĕшет тавралăх,

Хĕрхӳ тĕспе хуплать ик куçăма...

Тавралăх мар кăра усал хавхаллă —

Аш-чикĕм хурлăх айĕн хуçăлать.

 

Чарса сӳнмест кĕрхи кунсен пушарĕ,

Пĕри те халь тепри хыпать вутпа,

Ыр кăмăл-туйăм чĕптĕм те юлмарĕ —

Инкек-синкек сикет çăрха утпа.

 

1996, авăн, 13.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: