«Паспа витĕннĕ шур хурăн...»

Любовь Шашкина | Сăвă | 377


Паспа витĕннĕ шур хурăн

Ним чĕнмест мана паян.

Шерепеллĕ тутăр унăн

Калама та çук пуян.

 

Сар хĕвелĕ питĕ савăк,

Шевле сапнă таврана.

Ав, пĕр тĕмĕ витнĕ мамăк,

Ытарма та çук ăна.

 

Ылтăнпа та, кĕмĕлпе те

Илемлетнĕ туратне.

Мĕн тĕмми-ши? Тен, пĕлетĕп?

Тен, пырса пăхас патне?

 

Тӳпере хĕвел йăл кулчĕ,

Хăлханах çитет тути.

Ку асамлă тĕмĕ пулчĕ

Çилпе хытнă армути!

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: