«Сап-сарă çулçă — çут тĕнчен пĕр пайĕ...»

Юхма Мишши | Сăвă | 2007 | çулçă | хурăн | кĕркунне | 588


Сап-сарă çулçă — çут тĕнчен пĕр пайĕ

Вĕлтĕртетсе, хуллен çĕре ӳкет:

Сар çулçăпа йăлт витĕннĕ шур хурăн айĕ,

Тек ан тăк çулçуна, шур хурăнăм, çитет.

 

Çук, итлемест ман сăмаха çак йывăç,

Тăкать-тăкать вăл çулçине çĕре.

Эп пуçтарап ун çулçине пĕр ывăç,

Тем пăлханса тапать паян чĕре.

 

Каласшăн вăл мана: «Кĕрхи çанталăк

Хăй йĕркине тытса пырать çапла,

Сар çулçăран хăйне лартать вăл палăк,

Шап-шур хĕле кĕтсе илет çапла.

 

Эс ан палхан, часах вĕçсе килеççĕ

Çуркуннене лартса шур акăшсем.

Ун чух каллех тавралăха витеççĕ

Сип-симĕс илемпе çĕн çулçăсем...»

 

03.09.2007.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: