Электронлă вулавăш

Çĕр çине юр пĕрчи юрласа ӳкрĕ пуль

Çуркунне юратма пăрахнишĕн пĕр хушă.

Тӳрккесле кунсене ăнланмасăр ан кул —

Юр пĕрчи йĕменни пĕр мана-шим хăрушă?

Асилӳ ăшшине упракан кĕтесе

Пытанса туйăмсем ыратаççĕ хĕлхемсĕр.

Чечексем çурăлаймĕç кĕрте сĕмĕрсе

Ыранхи паяна каçармашкăн пĕлмесĕр.

Тӳрккесле кунсене ăнланмасăр çӳрен,

Эп вара ăшăтман уйăхра тупсăм тупрăм.

Çеçкери турата çĕрлехи тăм тивсен

Хуçăлса, татăлса йĕрсе ярăттăм, тусăм.

Юр çине юр пĕрчи юрласа ӳкрĕ пуль —

Ташласа килсе кĕчĕ! Тăманĕ — чарусăр!

Кĕрт çинче пуççапса кĕл тăватăп тем чуль

Ĕнерпе ырана пултарас пек тĕл-уссăр.