«Çул иртнĕçем вăраххăнрах утатăн...»

Александр Аслут | Сăвă | 1991 | ватлăх | 440


Çул иртнĕçем вăраххăнрах утатăн,

Чупас килсен те вылянмасть ура.

Килĕшмеллех пулать, туссем, эп — ватă,

Пенси параççĕ ватлăха кура.

 

Каç еннелле катрам-катрăм тухаççĕ

Тĕссĕрленсе тăрлавсăр пĕлĕтсем,

Кам вăл савăнтарĕ — пурнăç каçĕ?

Хăвах туятăн вăхăт иртнĕçем.

 

Мухтанмалли те пулнă...

Халь — чĕнместĕн.

Хура тĕспе сăрланнă пирĕн çул

Телей тени курăнасса кĕтместĕн.

Ах, ватлăхăм, тархасшăн çирĕп пул.

 

Юпа, 18, 1991.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ:

Шухăшсем