«Мĕскер кунçул!..»

Эрпинес хĕрĕме

Мĕскер кунçул!

Ăçта ун аслă карчĕ?

Шутла та çирĕплет ăспа ăна:

Камра хăват мĕн чуль?

Кама ăçта кăкарчĕç?

Кам ĕçĕпе пуян, кам пăсĕпе кăна?

Çĕрме пуян та пур,

Пур сулçӳревçĕ тервĕш,

Паллах, хурах та çĕр çинче пурах!

Пурне те хăйĕн виçипе картса хур:

Кашни ухмахăн хăйĕнле пĕлтерĕш,

Çавна пĕлсе хакла, Чĕппĕм — Хура Курак!

Манра ӳпкевĕм çук.

Санпа хĕвел хăпарчĕ.

Тупа тăватăп: пурăнсам кăна!

2000, утă, 15.

Салтаккасси — Шупашкар.

Çĕнĕ комментари хуш