«Салхуллă бутафор хайланă...»

Геннадий Айхи | Сăвă | 1954 | 307


Салхуллă бутафор хайланă

веерпала сулкаласа

каллех режиссера ятлан эс

манпа кулисăра ларса.

 

Ман сăввăмсем пирки пуплетĕн,

пĕлен ик-виçĕ йĕркине...

Джульетта, эп аса илетĕп

юлашки хут тĕл пулнине.

 

Кашни сăмах тасаччĕ манăн —

ача чĕлхи каланă пек.

Эс вĕсене сулса çеç ятăн

çак бутафор çĕтĕкĕпе.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ:

Шухăшсем