«Каçхине тăман тухсассăн...»

Геннадий Айхи | Сăвă | 1959 | 669


Каçхине тăман тухсассăн,

кантăка юр йĕпетсен

алăка такам шаккассан

туйăнать мана куллен.

 

Хăш çĕрте çӳретĕн эсĕ,

кам сăнать сан уттуна?

Ман пата сас çитермесĕр

йĕркелен эс кун-çулна.

 

Пурнăçра çынсен элчелĕ

çывăхрах туйăннăçем

упраса аса илмелĕх

эсĕ пур ман, ыр этем.

 

Пирĕн ĕмĕр пĕр татусăр

çĕклекен шухăшсене

ăнкаратăп та эп, тусăм,

хисеплеп çын шăпине.

 

Тĕплĕ пултăр шухăш-кăмăл,

çирĕп пултăр çын шăпи, —

кун пирки çырман эп çăмăл,

халĕ çăмăл çырăп-и?

 

Сан çинчен илтме пӳрсессĕн

шухăшлатăп эп ялан:

ыр-и эсĕ, сыв-и эсĕ,

шанчăку çавах-и сан?

 

Илтĕнет пек савнă сасă

ĕçĕм, сăввăм вĕçленсен

алăка такам шаккассăн

туйăнать пек каçсерен.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ:

Шухăшсем