«Пуçларăн эс элек сутти...»

Алексей Воробьев | Сăвă | 1957 | 429


Пуçларăн эс элек сутти...

Çитет, текех тăваймăн хур —

Таса куçпа хĕвел çути

Курмашкăн манăн тивĕç пур.

Иртнисене асилтерсе

Юнпа тек çăвăнмĕ суран.

Яраймăн эс мана тĕртсе

Пĕр тупнă шанчăклă çулран.

Иртни — ăшри сĕм суккăр туртăм,

Ултавлă шел, куçри ула.

Çак пĕчĕк йăнăша пула

Эп шутсăр пысăк хурлăх куртăм.

Чуна йĕпленĕ чикене

Тӳссе, хама çĕнетрĕм пĕтĕм.

Асап шăлне курсан тин пĕлтĕм —

Кам çын,

Кам кашкăр иккенне.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ:

Шухăшсем