Ҫуркунне

Геннадий Дегтярёв | Сăвă | 482


Сар хĕвел вут сапан урхамах утланать,

Çӳл тӳпе анипе ташласа çаврăнать,

Ăшшине шухă çил катаччи чуптарать.

Ку йăлтах çуркунне. Чĕрере - çуркунне.

 

Кайăк хур сас парсан «вунтăваттă çапать»,

Юханшыв — чăх чĕппи — пăр хуппа шăтарать,

Хĕвеле тав туса çунатне яр! сарать.

Ку йăлтах çуркунне. Чĕрере — çуркунне.

 

Яш тирек карăнса шăм-шакне вылятать,

Хурама каçăрлать, курпунне пытарать —

Сĕм вăрман вăранса ыйхине хăвалать.

Ку йăлтах çуркунне. Чĕрере — çуркунне.

Çавăн пекех пăхăр

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ:

Шухăшсем