Ӳкĕнместĕп

Анатолий Ырьят | Сăвă | 351


Пулаймарăм шап-шурă чарлан.

Вĕçеймерĕм сывлăша касса.

Чунăмçăм, тархасшăн, ан хурлан,

Пурнăçа ирттермĕпех асса.

 

Пулаймарăм йĕплĕ кĕл чечек.

Чикеймерĕм вăрттăн тăшмана.

Ӳкĕнместĕп, пур-ха ман тĕрек.

Чулпа пемĕп, пемĕç-ха мана.

 

Пулаймарăм муллă çын. Тивлет.

Путаймарăм пылпа çу ăшне.

Чысăмра ыр ятăм — Амулет,

Сирсе ярĕ йĕксĕк пăсташне.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: