«Мĕншĕн чĕтренчĕк темрен хӳтĕленнĕ турат?..»

Марина Карягина | Сăвă | 1991 | 478


Мĕншĕн чĕтренчĕк темрен хӳтĕленнĕ турат?

Мĕншĕн эп — пурнăç хавас пек — салхуллă?

Ĕнерхиллех — кулас мар теекен çеç кулать.

Ĕнерхиллех — кулăнмарĕ ман кулă.

 

Манăн салхулăх — тĕнче темĕн вăрттăн кĕтни.

Вăрттăнлăха кăшт сисме те аван-мĕн.

Маншăн çавах кам мана савнипе савманни.

Пурпĕр паян пĕр сăмах та каланмĕ.

 

Ма ĕмĕлкӳ карă витĕр кичем курăнать?..

Çумăр килет... Пĕр сăмах çеç кăлас-и?

Çумăр—хăй йĕнĕ чухне çеç (ĕнен...) пурăнать.

Унăн апла пурăнма юрамасть-им?

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: