Сар чечек

Раиса Сарпи | Сăвă | ачасем валли | чечек | 386


Эпĕ — сап-сарă чечек,

Улăхра ӳсеп чечен.

Кăпăшка ман çеçкĕмсем —

Сап-сара шевле-хĕмсем.

 

Эпĕ — сап-сарă чечек,

Пит ачаш, хитре, черчен.

Киленетĕп хампа хам.

Илеме сана парам.

 

Эпĕ — сап-сарă чечек.

Тап-таса çут сывлăм пек.

Çынсене сĕнеп хаваслăх,

Парашютлă ман пуласлăх.

 

Эпĕ — сап-сарă чечек,

Хĕвел пек çиçетĕп тек.

Чир-чĕртен те эп сиплетĕп,

Сан патна вĕçсе çитетĕп!

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ:

Шухăшсем