«Кӑнтӑр тӗлӗ...»

Елизар Абакшин | Сăвă | 287


Кăнтăр тĕлĕ. Лăпкă. Шăрăх.

Умри уйĕ — пĕр ана.

Тинĕс евĕр пусă тăрăх

Хумсем лăпкан йăванаç.

 

Ерипен каятпăр. Çулĕ

Тăсăлать инçе, инçе...

Тулă лайăх, тулă çӳллĕ;

Саралса ыраш пиçет.

 

Тинĕс евĕр пусă тăрăх

Куçăмсем таçта çитеç.

Ерипен каятпăр. Шăрăх...

Çул выртать инçе, инçе.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: