Виç сăмах
Салхуллă хĕр тĕпелĕ,
Çурта хуллен çунать.
Пуш-пушă ун сĕтелĕ:
Шур хут татки кăна.
Тумлам-тумлам куççулĕ
Юхать шур хут çине.
Ытла та тунсăх пулĕ
Савнийĕ çук чухне!
Унта çырса вăл хунă
Мĕн пурĕ виç сăмах:
«Санах саватăп, тусăм!»
Асамлă виç сăмах!
Салхуллă хĕр куççулĕ
Тумлать шур хут çине.
— Инçе савнийĕн çулĕ
Çитмешкĕн ун патне!
Çурта çунса кĕç пĕтĕ,
Хĕр çутĕ çĕннине.
Епле пулсан та кĕтĕ
Юратнă савнине!
Çĕнĕ комментари хуш
Шухăшсем
Мĕнле пулнă, çаплипех тăрать, заблокиров...
Тархасшăн çак ухмахсен шухăшĕсене тасатă...
Сергей Юшков - Етĕрне районĕнчи Атликаси...
Лайăх сăвă ачасемшĕн...
Темле çын та пур çĕр çинче, тĕлĕнместĕп....
Аван ...
кайăксем чăнахта лайăх чĕр - чунсем
Çитмĕлсенчен иртсен те, хаш сывлатпăр, А...
Цикори çинчен ытларах пĕлесшĕннччĕ ...
Замечательное поэтическое творение...