Курас терĕм акăш ишнине

Василий Шихранов | Сăвă | акăш | кӳлĕ | 433


Юри антăм кӳлĕ хĕррине:

Курас терĕм хум вылянине,

Сăнас терĕм акăш ишнине,

Чарас терĕм чун ыратнине!

 

Куртăм мăшăр акăш ишнине,

Çунатпа пĕр-пĕрне витнине.

Аса илтĕм чунăм савнине,

Хурланса унпа уйрăлнине!

 

Чĕркуçлентĕм сивĕ çĕр çине,

Чараймарăм вĕри куççульне...

Юраймарăм тусăм чĕрине.

Вăл савать паян урăххине!

 

Юри антăм кӳлĕ хĕррине:

Курас терĕм акăш ишнине...

Куртăм мăшăр акăш ишнине,

Чараймарăм чун ыратнине!

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ:

Шухăшсем