Тутлă яшка

Питĕ вăрттăн пĕлтерсе

Пăшăлтатрăм аттене:

— Тутлă яшка пĕçерсе

Çитерем-ха аннене.

Ятăм сахалрах тăвар,

Ятăм сахăрпа тăвар,

Сыпса пăхрăм пĕр çăвар.

— Яшка питех тутлă мар.

Ах, аннем, мана каçар.

Атте нимĕн те чĕнмест,

Анне яшкана çимест,

Пурпĕр мана ачашлать,

Ăшă сăмахсем калать:

— Пĕчĕк ывăлăм Ванюш,

Куншăнах пуçна ан ус.

Малашне тăвар кăна

Эс ярсамччĕ яшкана.

Çĕнĕ комментари хуш