«Çылăхсен хуппинчен шуратсамччĕ мана…»

Мальвина Петрова | Сăвă | 566


Çылăхсен хуппинчен шуратсамччĕ мана:

Сывлайми йӳçĕхсе тăракан ăшăма

Куççулӳ тумлатса тасатсассăн кăна

Çĕнерен çуралать чĕм-хавал1 пурăнма.

 

Эрлĕкпе2 кӳпчесе чăмăрланнă пуçран —

Хăвăла кайиччен3 — чĕрсе юл шухăша:

Сăмахшар вакласа турасассăн кайран

Ахăртнех, асăрхатăн курман курмăша4.

 

Тавăру-тарăху мăййинчен5 хăтарма

Хавалу, тивĕçӳ çитмелле, пулмаллах.

Пурнăçпа вĕресе тăракан хурана —

Тасалсан — тĕс кĕртмелĕх ăсанăп хамах.

 
1 чĕм-хавал – сывлăш, çĕнĕ пурнăç
2 эрлĕк — кӳренӳ
3 хăвăла кай — пушахлан
4 курмăш – тивнĕ пай, шăпа
5 мăя – сухан çыххи

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: