Пурăнăç

Каринкке Кавĕрли | Сăвă | 1908 | революциччен çырнисем | 316


Таса çынна тур папай

Сахал парать кунта пай;

Ку тĕнчере çук та ун

Çутă кунпа çут мăнкун.

Курсан курать леш çĕрте

Таса çын перекете.

 

Кунта аван кунсене

Парать усаллисене.

Вĕсем кунта савăнаç,

Кашни кунах ыр кураç.

 

Эпир хамăр ĕмĕре,

Рестанцă пек, тĕрмере

Ирттертĕмĕр тертленсе, —

Вилер хуть ĕмĕтленсе.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: