Медсестра

Елена Однодворцева | Сăвă | 338


Кĕрлĕ-шавлă вăрçă тусăнать,

Медсестра çĕр çинче шăвать.

Йăнăшни, ахлатни хăлхара,

Сумкăпа шурă бинт алăра.

 

Таса юн суранран пĕрхĕнет,

Хăлхара чан çапни илтĕнет.

Лăпкă сасă чĕнет, çухалать,

Каç енне санбатра вăранать.

 

Чăрсăр, ирсĕр, хăруш вилĕмрен,

Миçе çын эс хăтарнă вăйпа,

Пурăнаççĕ нумайăш хальччен,

Асăнаççĕ сана ырăпа.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: