Аçтахар Плотников: Валентина Яклычева инкеке лекнӗ

Аçтахар Плотников13.10.2012 13:5817741 views

Пӑлхарта (Тутарстанри хулара) чӑн-чӑн чӑваш хӗрарӑмӗ Валентина Яклычева пурӑнать — пирӗн халӑхӑн авалхи хултине килекен кашни чӑваша ҫӑкӑр-тӑварпа кӗтсе илет. Питӗ тараватлӑ хӗрарӑм! Кашни хӑнана чаплӑ йышӑнать: мунчине те хутса парать, мӗнле пулӑшу кирлӗ — яланах пулӑшма хатӗр.
Уйӑх каялла Валентина ҫул-йӗр ҫинчи инкеке лекнӗ иккен — мана халь тин пӗлтерчӗҫ. Вӑйлах суранланнӑ терӗҫ, Хусанти пульницара выртса тухнӑ.
Валентинӑна эп хамӑн тӑван шкула та илсе кайсаччӗ — ун чухне вӑл ачасене Пӑлхар хули пирки каласа пачӗ, шкулӑн музейӗпе паллашрӗ. Чӑн та питӗ маттур хӗрарӑм.
Инкек-синкексем самай пулаҫҫӗ, унсӑр пурнӑҫ ҫук. Валентинӑна ман чун-чӗререн хӑвартрах сывалма сунас килет.

Editorial note: The publication of articles does not mean that the editorial board shares the opinion of its authors.

[Comments (39)]

Comments:

Владимир // 7627.7.0041 2012.10.13 20:19
	Мана вăл хĕрарăм питĕ килĕшет. Хам унпа паллашайман пулин те. Часрах сывалма сĕнетĕп.
Тимер // 5574.4.5423 2012.10.13 21:04
	Юрать хăй чĕрĕ юлнă,машинине юсама пумасанта.Тен мĕнле те пулин пулăшăпăр.Халь эмельсем питĕ хаклă.Тата машинăсăр мĕнле кĕтсе илĕ Валентина.Ма шăпăрт Тафаев,Цыпленков?
Алина // 3424.7.7696 2012.10.29 14:44
	Валентина нумаях пулмасть"Волжанка" санаторире сипленчĕ. Ăна Шупашкартан санаторие леçме машина шыраса пĕр кун ирттертĕмĕр. Мана ун умĕнче çав тери намăс пулчĕ. Пĕтĕм Республикипе те машинлă çын çук тейĕн. Мĕскĕн чăвашсем эпир, сăмахпа çеç ырă ятлă пуласшăн.
Игорь Сайман // 9692.7.5056 2012.10.30 20:25
	Çавнашкал шăпаллă ырă хĕрарăма "Пăлхар музи" тесен мĕнлерех-ши?
Игорь Сайман // 3964.38.5589 2012.11.06 20:31
	Пăлхар хулашне сыхлакан пирăшти.
Тимер // 5574.4.5423 2012.11.06 22:25
	Тĕрĕс Алина.Санаторирен хулана илсе килсе художниксен выставкинче пултăмăр.Кайран Çĕнĕ Шупашкара та хамах леçсе хăвартăм.Булгаристсемпе пĕрле пиншер тенкĕ пухрăмăр пулăшма
Игорь Сайман // 1982.27.0126 2012.11.07 19:53
	Чĕрĕ çынна ырă тума, ыррине ырăпа тавăрма нихçан та кая мар.
Тимер // 5574.4.5423 2012.11.08 21:37
	Кая юлсан каю шăтать. Игорь Сайман,мĕнпе пулăшма пултаран Валентинăна .Эпир пĕршер пин пухса патăмăр машинине юсама.
Игорь Сайман // 3421.40.3990 2012.11.09 14:31
	Çапли çапла пуль-ха та, анчах çакна еплерех ТĔРĔС МЕСЛЕТПЕ тумалла-ши? Калăпăр, эпир хамăр та Шупашкарта мар вĕт.

Ad

Аçтахар Плотников: Валентина Яклычева инкеке лекнӗ

Comments:

Comments

Supported HTML Tags:

Menu

In Other Languages

Banners

Counters