Чечек

Хӳхĕм хĕр ӳстернĕ çав пике,

Вăл, иккен, Чечек ятпа çӳренĕ.

Çитĕнсе çитсессĕн Чечеке

Кӳршĕ çĕршыва кайма пилленĕ.

Вăл Византире патша килне

Кӳнĕ имĕш хăйне май чиперлĕх:

Хатĕрленĕ йышăну тумне,

Ун ятнех илет-мĕн çав еткерлĕх.

Тĕрлĕ-тĕрлĕ çĕршыври патша

Пирĕн йăх пикисене юратнă,

Хунаттарнă тет хурăнташа,

Арăслан пек ывăл-хĕр çуратнă.

Пăлхарти мухтавлă хĕрсене

Вырăс кнеçĕсем те тиркемен-мĕн.

Тăванла курсассăн пĕр-пĕрне —

Пĕр çĕршыв та хытă сехĕрленмĕ.

Çĕнĕ комментари хуш